Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Erdingen, Friedrich vonErni [Aerni, Arni], Ulrich lemma sequent

Erni, Hans
* 25-12-1867 a Trin Digg, † 15-4-1961 a Tavau, ref., da Trin. Figl da Caspar e dad Ursula n. Calonder, da Trin. ∞ 1) Ursula n. Caflisch, da Trin, 2) Henriette n. Saladin, da Gelterkinden/BL. Seminari scolastic a Cuira, scolast a Trin 1887, alura scolast privat a Mira (Veneto). Perfecziunament musical tar Giovanni Rossi 1890-91. Scolast real e scolast al preseminari da Roveredo 1891-98, alura puspè a Trin fin il 1905. Pur 1905-28. Redactur da la gasetta emnila lib. «Il Grischun» 1905-16 e da «La Casa Paterna» 1929-48. Deputà lib. en il Cussegl grond 1903-17, mastral dal cirquit da Trin 1905-13. Domicilià a Glion 1930-39, Cuira 1939-48 e Tavau a partir dal 1948. Autur da prosa («Raquintaziuns», 1952) e da tocs da teater populars, istoriograf local. Menziun spez. merita sia activitad sin il champ musical, per la quala el è vegnì undrà sco "bab da la chanzun rumantscha". Dirigent da chors, editur e cumponist da numerusas chanzuns popularas che vegnan chantadas anc oz (chanzuns d'eroxs, da guerra, da libertad e da stagiuns). La plipart da sias ca. 200 cumposiziuns, o.t. tenor texts da Giacun Hasper Muoth, Alfons Tuor e Flurin Camathias, ha el realisà tr. il 1898 ed il 1930. Ses «Pur suveran» (1901, text: Gion Antoni Huonder) è daventà l'"imni naziunal" sursilvan. Suprastant dal district da chant Surselva a partir dal 1904 (pres. 1920-45). Comm. d'onur da l'Uniun chant. da chant dal Grischun. Undrà cun il Curtin d'onur da la LG a Trun.


Ovras:
Musicalias: BMVR (reg.); La Rosetta, 1890; Surselva I-VIII, 1898-1952; Flurettas (chor mixt), 1931-36; Rezia I e II, 1939 e 1944; Patria, 1942; Astras I e II, 1947-48; Ovras istoricas: Historia dil signuradi da Trin e della vischnaunca da Trin, 1913; Digg, miu vitg natal, 1949; BR, nrs 2219-36.

Litteratura:
A. Maissen e.a., Festschrift Hans E., 1957 (reg. d'ovras, 41-50); Bedeutende Bündner 2, 395-99; Deplazes, Funtaunas 3, 248-50.

Adolf Collenberg

lemma precedents Erdingen, Friedrich vonErni [Aerni, Arni], Ulrich lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: