Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Fanconi, GiacomoFanconi, Tomaso lemma sequent

Fanconi, Guido
* 1-1-1892 a Poschiavo, † 10-10-1979 a Turitg, ref., da Poschiavo. Figl da Pietro Antonio, anteriur cafetier en Spagna, e da Celeste n. Olgiati, da Poschiavo. ∞ Alice n. von Grebel, da Turitg, figlia da Hans, pres. da la dretgira distr. da Turitg. Scola media ad Aschera e Turitg. Stud.med. a Losanna, Berna e Turitg, dr.med. 1919. Scolaziun supplementara al medi d'uffants en la clinica d'uffants da l'Univ. da Turitg (tar Emil Feer) 1920-26, directur da quella e prof. da pediatria a l'Univ. da Turitg 1929-62. Pres. da l'Associaziun internaz. da pediatria 1947-50 e secretari general 1951-67. F. ha gronds merits scientifics, tr.a. en la scuverta ed emprima descripziun da malsognas d'uffants sco l'anemia F. (1927), il sindrom F. (nefropatia, 1936) e la fibrosa cistica (1936). El ha fundà la revista spezialisada «Helvetica Paediatrica Acta» (1945) ed è vegnì onurà nov giadas cun il titel da dr.med.h.c. Il 1950 ha el publitgà, ens. cun Arvid Wallgren, il «Lehrbuch der Pädiatrie», in'ovra da standard translatada en nov linguas (19729). Premi grischun da cultura 1979.


Ovras:
Der Wandel der Medizin, wie ich ihn erlebte, 1970; Erinnerungen eines Kinderarztes, 1986 (postum).

Litteratura:
Die Universität Zürich 1933-1983, 1983, 403 s., 682, 684; A. Condrau, Helfen und Heilen, 2009², 159-64.

Roman Bühler

lemma precedents Fanconi, GiacomoFanconi, Tomaso lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: