e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Federspiel, Johann Baptist Anton von Federspiel, Ulrich von  Federspiel, Jürg * 28-6-1931 a Wintertur, † 12-2-2007 a Basilea, cat., da Domat. Figl da Georg Martin, schurnalist, e da Helen n. Rudin. Divorzià. Giuventetgna a Tavau, gimnasi a Basilea. Segiurns a Berlin, Paris, New York e Basilea. Scriptur, schurnalist e criticher, activ per differentas gasettas e per il radio (gieus auditivs, features). Cun «Museum des Hasses» (1969), ina descripziun da New York, la «Ballade von der Typhoid Mary» (1982), las fablas «Die Liebe ist eine Himmelsmacht» (1985) ed il roman «Geographie der Lust» (1989) ha el gì success era a l'exteriur. En sia lirica («Im Innern der Erde wütet das Nichts», 2000) sa deditgescha F., ch'aveva ina predilecziun per il gieu litterar al cunfin tr. la fantasia e la realitad, surtut al "labirint dal mintgadi". Premi Schiller 1961, Premi Georg-Mackensen per la meglra istorgia curta scritta en tudestg 1965, Premi Conrad-Ferdinand-Meyer 1969, Premi da litteratura da las citads da Turitg 1986 e Basilea 1988 e la Ehrengabe da la citad da Turitg 2000. Archiv: ASL, relasch. Litteratura: KLG (cun reg. d'ovras); LTS, 569. Rosmarie Zeller  Federspiel, Johann Baptist Anton von Federspiel, Ulrich von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: