Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Felix, Johann FriedrichFenga, Pass dal lemma sequent

Feltscher, Anton
* 15-2-1825 (Johann David Anton) a Riga, † 13-7-1885 a Masagn, ref., da Masagn e Flem. Figl da David, maister pastizier, e da Johanna Maria Luisa n. Haase. Nubil. Scola elementara a Masagn, gimnasi a Turitg e Hamburg. Comm. d'ina truppa da teater ambulanta. Scolaziun d'actur a Hamburg. Represchentaziuns a Hamburg, Weimar (Turinga) e Kassel (Hessen). A Kassel ha el scrit il 1854 in elogi poetic a la Mantogna. El ha interpretà rollas principalas en div. centers europeics, p.ex. il 1857 il Hamlet al Teater da la curt ducala a Braunschweig (Saxonia Inferiura). Il 1871 è F. daventà directur dal teater da la citad da Friburg e.Br., il 1874 da quel da Cologna. A partir dal 1874 è el vegnì engaschà al Deutsches Theater da la curt imperiala a S. Petersburg, dal qual el ha surpiglià il 1877 la direcziun artistica (distincziun cun la medaglia da Stanislaus tras il zar Alexander III). Reschissur suprem dal Deutsches Landestheater a Prag 1882. Il 1884 è F. turnà a Masagn, nua ch'el è s'engaschà en ovras da beneficenza ed ha experimentà furmas teatralas pli libras cun la cumpagnia da mats locala. Il 1885 ha el inscenà il «Pachter Feldkümmel von Tippelskirchen» dad August von Kotzebue.



Ovras:
Zur Erkenntnis deutscher Theaterzustände, 1869.

Litteratura:
G. Caduff, Ein Theaterleben, en: BJb, 1948, 43-58; J.-C. Cantieni, Anton F., 1825-1885, 1993.

Martin Bundi

lemma precedents Felix, Johann FriedrichFenga, Pass dal lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :