Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Fenga, Pass dalFeria, Gómez Suárez de lemma sequent

Ferdmann, Jules
* 3-3-1889 a Samara (Russia), † 12-3-1962 a Tavau, israelit, a partir dal 1906 russ-ortodox, da naziunalitad russa, natiralisà a Tain il 1934, vischin d'onur da Tavau il 1957. Figl d'in fabricant da quadrels. ∞ 1) Marie n. Meier, 2) Helga n. Schmiederer. Gimnasi a Samara. Redactur dal fegl «Prostor». Exiliaziun en Sibiria per avair fatg propaganda a favur da la democratisaziun en Russia. Fugia en Germania 1911. Electroinschigner a Mittweida (Saxonia), engaschà tar Brown Boveri & Cie. a Baden 1914-15. Per tractar sia tuberculosa dal lom ha el prendì domicil a Tavau a partir dal 1920, nua ch'el è stà magister privat. Fundatur (1925) ed editur e redactur (fin il 1962) da la «Davoser Revue», redigida alura da sia dunna Helga fin il 1979. F. ha contribuì decisivamain a la furmaziun d'ina identitad spiertala e culturala da Tavau.


Ovras:
Die Anfänge des Kurortes Davos bis zur Mitte des 19. Jahrhunderts, 1938; Der Aufstieg von Davos, 1947 (1990²); Höhenluft, 1954.

Litteratura:
Davoser Revue, 36/1961, nr 9/10, 168-73; 65/1990, nr 4, 18-21; M. Pfister, Davoser Persönlichkeiten, 1981, 60 s.

Peter Bollier

lemma precedents Fenga, Pass dalFeria, Gómez Suárez de lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :