e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Fidaz Fient, Georg  Fidelis von Sigmaringen * 1-10-1578 (Markus Roy) a Sigmaringen (Württemberg), † 24-4-1622 a Sievgia, cat., da Sigmaringen. Figl da Hans Roy, burgamester, e da Genoveva n. Rosenberger. Suenter la mort prematura dal bab e l'abandun da la mamma, è F. daventà orfen d'omaduas varts. El è vegnì educà en il spiert da la Cuntrarefurma a la scola da la citad da Sigmaringen ed al collegi dals gesuits a Friburg e.Br. Studis da filologia e giurisprudenza a Friburg e.Br., dr.fil. 1603, dr.iur.utr. 1611. Maiordom da giuvens aristocrats en Frantscha, en Spagna ed en l'Italia 1604-10, consulent giuridic en il guvern da las uschen. Vorlande (possess dals Habsburgs en la Svevia Superiura ed en la zona linguistica alemanna) ad Ensisheim 1611-12. Dischillus da las praticas da ses collegas giurists ha el demissiunà ed è sa laschà ordinar sacerdot ils 3-10-1612. L'auter di è el entrà en l'Urden dals chaputschins a Friburg e.Br. (claustra dals chaputschins svizzers), nua ch'el è vegnì ordinà pader Fidelis OFMCap. Stud.teol. en las claustras da chaputschins da Constanza e da Frauenfeld 1612-16, alura preditgant e spiritual da convertits, guardian a Rheinfelden a partir dal 1618, a Friburg e.Br. 1620-21 ed a Feldkirch 1621. Engaschà en la pastoraziun da las truppas austr. staziunadas a Feldkirch durant ils Scumbigls grischuns resp. durant la Guerra da trent'onns. En il decurs da la recatolisaziun han ins incumbensà F. da purtar la missiun dals chaputschins en las Trais Lias. El è vegnì assassinà a Sievgia suenter ina pregia. F. è l'emprim martir da la Congregatio de Propaganda Fide, fundada a Roma il 1622. Beatifitgà dal papa Benedetg XIII il 1729 e canonisà dal papa Benedetg XIV il 1746. Reliquiar en la catedrala da Cuira, nua ch'el era mess en bara dal 1622 fin il 1686. F. è commemorà en las baselgias da Mon, Suagnign (Nossadunna) e Tinizong e vegn celebrà ils 24 d'avrigl. Archiv: Aprov. dals chaputschins svizzers, Lucerna. Litteratura: Kdm GR 7, 102; Lebensbeschreibungen des heiligen F. (1623), 1993; St. F., catalog d’expos. Sigmaringen, 1996; J. von Grünwangen, Bericht über den Tod des heiligen F., en: Helvetia Franciscana, 25/1996, 5-34; O. Schmucki, F., 2004 (cun bibliogr.). Christian Schweizer  Fidaz Fient, Georg  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: