e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Florentini, Teodosius Florin, Christian  Florin Sontg curretic, prob. dal 7. tsch., □ a Ramosch. Tenor la legenda č F. naschė a la curt da Valfur a Matsch. En giuvens onns duai el esser ė a Ramosch en l'Engiadina Bassa ed avair vivė lā sco eremit e preditgant. La tradiziun preschenta F. sco sacerdot cun in chalesch, perquai ch'el laschava baiver ils povers da quel buccal, en il qual l'aua sa transfurmava miraculusamain en vin. Il cult da F. č fitg vegl: gia l'onn 720 administrava il s. Otmar da S. Gagl a Cuira in sanctuari deditgā a F. L'onn 930 č menz. per l'emprima giada la baselgia da S. Florin a Ramosch, pastorada da quel temp dal sacerdot Hartpert ch'č daventā pauc pli tard uvestg da Cuira. Hartpert ha dā novs impuls al cult da F. Dapi il 11. tsch. vegn F. venerā ens. cun Lucius sco patrun diocesan. Il 11. tsch. č stā la perioda d'aur dals pelegrinadis a Ramosch. L'emprima versiun da la Vita da F. (12. tsch.) represchenta, malgrā il stil agiografic, ina nizzaivla funtauna d'infurmaziun istorica. La fossa da F. en la baselgia da Ramosch era messa en il grip e vegniva preschentada anc dal temp da Chiampell (1572). La festa da F. č ils 17 da november. Il Grischun ed il Vnuost Superiur dumbran 18 patrocinis da F. Litteratura: O. Scheiwiller, Der heilige F. in kritischer Beleuchtung, en: BM 1940, 161-74; I. Müller, Die Florinusvita des 12. Jahrhunderts, en: JHGG, 1958, 1-58; I. Müller, Die churrätische Wallfahrt im Mittelalter, 1964, 19-26; DRG 6, 434 s.; B. Hübscher, F., heiliger Pfarrer im Unterengadin, en: JHGG, 2005, 51-97; J.-A. Bernhard, Streit um einen Heiligen, en: BM, 2006, 35-67; LQ, 14-122007. Martin Bundi  Florentini, Teodosius Florin, Christian  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: