Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Flugi, Conradin (d'Aspermont)Flugi, Johann (d'Aspermont) lemma sequent

Flugi, Johann (d'Aspermont )
* 1550 a S. Murezzan, † 30-8-1627 a Cuira, cat., da S. Murezzan. Consecrà sacerdot 1575. Plevon a Vaz 1576 ed a Feldkirch 1585-97. Canoni 1586, decan episcopal e vicari general 1597. Ils 9-2-1601 è F. vegnì nominà uvestg da Cuira (Johann V), e suenter l'approvaziun papala ils 9 d'avrigl è el vegnì consecrà ils 22 da fan. tras il nunzi a Lucerna; il 1601 ha el era retschavì las regaglias. F. è vegnì nobilità prob. il 1606 cun il titel d'Aspermont. El è stà l'emprim uvestg da Cuira ch'ha agì en il spiert dal Concil da Trent. Ils eveniments succedids durant ils Scumbigls grischuns han sfurzà F. da residiar repetidamain en il Tirol pli segir. La restituziun dals dretgs a l'uvestgieu, cunvegnida sut pressiun austr. il 1622-23, è stada da curta durada. Il 1621 han missiunaris chaputschins, derivants per gronda part da Brescha, cumenzà ad operar en las plaivs rum. da l'uvestgieu. Ils 24-8-1627 ha F. resignà.


Litteratura:
HS I/1, 497 s.; A. Fischer, Biographische Notizen über Johann V. F. bis zu seiner Wahl zum Churer Bischof, en: BM, 1995, 5-29; A. Fischer, Reformatio und Restitutio: das Bistum Chur im Zeitalter der tridentinischen Glaubenserneuerung, 2000.

Pierre Surchat

lemma precedents Flugi, Conradin (d'Aspermont)Flugi, Johann (d'Aspermont) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: