e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Badrutt, Johannes Badus  Badrutt, Peter Robert * 24-1-1850 a Samedan, † 13-3-1907 a Cuira, ref., da Pagig. Figl da Johannes. Frar da Caspar. ∞ Victoria n. Faller (Valer), figlia da Jacob, pastizier a Pisa, da Tavau. A partir dal 1889 ha B. manà l'Hotel Engadiner Kulm da ses bab a S. Murezzan, il cussegl d'administraziun dal qual el ha presidià fin il 1907. Il 1898 ha el cumprà in hotel a Vöslau (Austria Inferiura), il 1905 la chasa da cura ad Abtenau-Bad (Salzburg). Il 1883 ha el inizià la construcziun d'ina viafier da S. Murezzan a Puntraschigna ed al Morteratsch, il 1891 ina funiculara sin il Piz Languard, omadus projects èn dentant dads en l'aua. Il 1898 è el s'engaschà per ina colliaziun da viafier tr. Cuira e Meraun. Confundatur da l'«Engadiner Post» 1893. A Cuira ha el laschà construir las uschen. Chasas Badrutt (demolidas il 1973 per far plazza al nov edifizi da la PTT). Comm. dal Cussegl grond 1897-98 (prob. da tenuta lib.). Litteratura: Engadiner Post, 1907, nr 12; NBZ, 1973, nr 290; F. Ammann, Genealogische Kartei dynastischer Hoteliers- und Gastwirte-Familien, 1976, quad. 4, 8. Silvio Margadant  Badrutt, Johannes Badus  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: