e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Fontana, Benedetg Fontana, Hans Rudolf  Fontana, Gian * 16-11-1897 a Fidaz (vischn. da Flem), † 30-11-1935 a Fidaz, ref., da Flem. Figl da Joseph, pur, e da Margreta n. Capaul, da Flem. ∞ Onna Maria n. Lüscher, da Rümlang/ZH. Scola primara (tud.) a Flem. F. ha emprendì a leger ed a scriver rum. al Seminari scolastic a Cuira. Scolast primar a partir dal 1917, alura scolast secundar a Flem. F. ha scrit sias emprimas ovras litteraras per tud., a partir dal 1921 (fundaziun da la Renania) mo pli per rumantsch. Sco cumbattant per il mantegniment dal rumantsch sa sentiva el obligà da metter a disposiziun lectura per il pievel e per la scola. Perquai è el s'engaschà sco collavuratur e redactur dal «Calender per mintga gi» e dal »Dun da Nadal». Per mancanza da contribuziuns ha el stuì savens emplenir quels cun atgnas contribuziuns e translaziuns. Da quai è naschida in'ovra litterara cumplessiva: sia lirica cumpiglia en tut radund 800 poesias («Poesias», 1931) che tractan o.t. ils trais temas natira, uman e Dieu. Passa 80 da quellas èn messas en musica. Da sias 10 ovras dramaticas èn d'impurtanza o.t. quellas per uffants («Primavera sil prau», cun musica da Tumasch Dolf). A la prosa narrativa appartegnan las novellas «Sidonia Caplazi» (1931) ed «Il president da Valdei» (1932) sco era dunsainas da raquints. Ses raquints stattan en la successiun dals gronds novellists dal 19. tsch., p.ex. da Gion Antoni Bühler. En la lirica è F. stà in mussavia per la proxima generaziun dad auturas ed auturs rumantschs. El ha bandunà la poesia eroica e patetica surs. tradiziunala en favur da la poesia da tempra persunala e spontana. Undrà cun il Curtin d'onur da la LG a Trun. Archiv: ASL, relasch. Ovras: Ovras, 3 ts, 1971 (cun ill. dad Alois Carigiet); BMVR. Litteratura: G. Fontana, Ediz. cumpleta 1, 1971, 464-83; Bezzola, Litteratura, 527-35, 654-63; Deplazes, Funtaunas 3. Lucia Walther  Fontana, Benedetg Fontana, Hans Rudolf  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: