e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Frank von Frankenberg, Bernhard Frantscha  Frankfurter, David * 9-7-1909 a Daruvar (Austria-Ungaria, oz Croazia), † 19-7-1982 a Tel Aviv, da l'Austria-Ungaria, Israelit dapi il 1948. Figl da Moritz, grond rabin. F. è creschì si en ina fam. gidieua ortodoxa severa. Stud.med. a Vienna, Lipsia, Frankfurt am Main ed, a partir dal 1933, a Berna. Ils 4-2-1936 ha F. assassinà a Tavau Wilhelm Gustloff, il manader da la gruppa svizra da la NSDAP (Affera Gustloff). Il guvern tud. naziunalsocialistic ha instrumentalisà quest delict per la propaganda antisemitica ed ha profità da quel per attatgar verbalmain la Svizra. Il process a Cuira ha sveglià l'interess internaziunal. Ils 14-12-1936 è F. vegnì sentenzià a 18 onns praschun per omicidi ed a l'exiliaziun per vita duranta. Grazià il 1-6-1945 dal Cussegl grond dal chantun Grischun, è F. emigrà immediat en Palestina. En Israel è el stà collavuratur dal ministeri da defensiun. Pir ils 30-9-1969 ha il Cussegl grond revocà l'exiliaziun. Litteratura: E. Ludwig, P. Chotjewitz, Der Mord in Davos, 1936 (1986²). Hermann Wichers  Frank von Frankenberg, Bernhard Frantscha  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: