e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gadient, Ulrich Gadina, Jachen Not  Gadient, Veit ≈ 12-3-1878 a Valduna sper Rankweil (Vorarlberg), † 7-3-1969 a Rapperswil/SG, cat., da Mastrils. Entrada en l'Urden dals chaputschins a Lucerna 1898, ordinaziun sacerdotala 1903, dr.fil.I a l'Univ. da Friburg 1909. Magister a las scolas da chaputschins a Stans ed Appenzell 1910-19. G. ha elavurà in program da refurma da l'instrucziun per ils gimnasis cat. ed ha fundà il 1915 la revista pedagogica «Schweizer Schule». En l'Urden dals chaputschins è el stà secretari da missiun e redactur da la revista da la provinza svizra «Fidelis». Fundatur da la missiun interna dals chaputschins, lantschada a Turitg il 1939. Autur da numerusas scrittiras en las domenas da la pedagogia, da la didactica dal rom e da la religiun sco era da publicaziuns biograficas. Archiv: Aprov. dals chaputschins svizzers, Lucerna. Ovras: Prokop von Templin als Mensch, Prediger und Dichter, 1912; Der Caritasapostel Theodosius Florentini, 1944. Litteratura: Fidelis-Generalregister über die Jahrgänge 1909-1940, 1945, 103 s.; Fidelis-Generalregister über die Jahrgänge 1941-1980, 1991, 68; R. De Kegel, Vom Nischenangebot zum Mosaikstein im eidgenössischen Bildungssystem, en: Kapuziner in Nidwalden, 1582-2004, 2004, 317-51. Christian Schweizer  Gadient, Ulrich Gadina, Jachen Not  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: