e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gadola, Guglielm Gallicius [Saluz], Philipp  Gaismair, Michael * ca. 1490 a Tschöfs sper Sterzing (Tirol da Sid), † 15-4-1532 a Padua. Figl d'in pur ed impressari da minieras. Revoluziunari social, manader dals purs en il Tirol ed a Salzburg durant la Guerra dals purs tudestga 1525-26. Il 1526 ha G. redigì l'enconuschenta «Landesordnung» dal Tirol, en la quala el ha defendì ils vegls dretgs dals purs cunter ils privilegis da l'aristocrazia e dal clerus. Dal nov. 1525 fin l'avust 1530 è el sa trategnì savens a Turitg ed a Fadrein Bogn en il Partenz, danunder ch'el tgirava stretgs contacts cun ils purs che vulevan sa liberar da l'Austria sco era cun politichers grischuns. Ses plan d'ina gronda coaliziun antiaustriaca dals chantuns confed. svizzers, da las Trais Lias e da Vaniescha, elavurà ens. cun Huldrych Zwingli cun l'intent da liberar il Tirol e da crear là, sut sia egida, in stadi da purs, n'è betg reussì. Il 1532 è G. vegnì assassinà da sbirs austr. en ses domicil en vischinanza da Padua. Litteratura: O. Vasella, Huldrych Zwingli und Michael G., der Tiroler Bauernführer, en: ZSG, 24/1944, 388-407; O.P. Clavadetscher, Die Bauernunruhen im Gebiet der heutigen Eidgenossenschaft. Mit einem Excurs über die Beziehungen Graubündens zur Schweiz, 1982. Martin Bundi  Gadola, Guglielm Gallicius [Saluz], Philipp  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: