Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Ganzoni, Gian PaulGanzoni, Robert Antoni lemma sequent

Ganzoni, Robert
* 7-9-1884 (Robert Corrado) a Schlarigna, † 20-6-1963 a Schlarigna, ref., da Schlarigna. Figl da Robert Antoni, agricultur, e dad Orsola n. Tognoni. ∞ Ulrica n. Campell, figlia da Richard, commerziant, da Schlarigna. Gimnasi a Cuira, stud.iur. en Germania, dr.iur. a Berna 1915 («Die Verträge der Ehegatten mit Dritten und unter sich [...]»), alura advocat a Schlarigna. Delegà dal cirquit d'Engiadin'Ota en il Cussegl grond 1921-26, lib., cuss. guv. 1927-35 (Dep. d'educaziun e sanitad, pres. 1927, 1932). Alura return a Schlarigna, nua ch'el ha fatg l'advocat. Pres. da la dretgira distr. da Malögia 1939-59, pres. da la PLD 1943-45. Redactur dal «Fögl d'Engiadina» 1937-40 resp. dal «Fögl Ladin» 1940-46 (ens. cun Men Rauch 1940-45). Pres. da la SRR dec. 1934-55 (pres. d'onur 1955). Iniziant e confundatur da la Cumünanza Radio Rumantsch (1946). G. è s'engaschà fermamain per la renconuschientscha dal rum. sco quarta lingua naz. («Il rumantsch sco quarta lingua», 1935), per l'avischinaziun dals idioms rum. sco era per la protecziun da la cuntrada da lais da l'Engiadin'Ota.


Litteratura:
A. Schorta, Robert Corrado G., en: Annalas, 77/1964, 156-69 (cun fotogr.); Äskulap in Graubünden, 297 s.

Jürg Simonett

lemma precedents Ganzoni, Gian PaulGanzoni, Robert Antoni lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :