Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Gujer, LiseGuler , Johann Peter (von Wyneck) lemma sequent

Gula
Anteriura culegna en la vischn. da Rueun, situada a l'ur d'ina chavorgia a la via veglia per la Cadi. Il num da la culegna reflectescha sia posiziun topografica. Il 1546 è G. attestà sco vischinadi cun agens dretgs da pasculaziun, pli tard sco susta per ils viturins. G. è il lieu d'origin da la fam. Weinzapf (Winzap) "von Gullen" ch'ha mess il 1425 il segund landrehter da la LG. En sia «Einfalte Delineation» (1742) descriva Nicolin Sererhard G. sco "Nachbarschaft oder kleineres Gemeindlein" che appartegneva a la dretgira da Vuorz. La chaplutta da S. Maria Madlaina (16. tsch.?) è vegnida reconstruida il 1643. Tenor la tradiziun orala han ils da Rueun importà da G. ils pairers ch'els cultiveschan sco "péra Guglielm da G.". Oz consista G. mo pli d'in bain puril. 


Litteratura:
Kdm GR 4, 307; Maissen, Landrichter, 9 s.

Adolf Collenberg

lemma precedents Gujer, LiseGuler , Johann Peter (von Wyneck) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :