Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Berchtold IBerg lemma sequent

Beresina
Flum lateral dal Dnjepr (Bielorussia), collià tras in chanal cun la Düna. Ils 28-11-1812 èn l'armada russa e truppas da Napoleun sa confruntadas a la B. Il corp franz. dad Oudinot ha subì ina sconfitta a la Düna en vischinanza da Polozk. Ils quatter regiments svizzers (ils "Svizzers cotschens"), incorporads en l'armada franz., avevan l'ordra da franar cun agid dals Polacs e Franzos l'armada russa a la punt sur la B., permettond a las truppas franz. da traversar il flum. Tr. ils Svizzers sa chattavan era il regiment dal colonel Andreas Ragettli da Flem e plirs uffiziers e schuldads dal Grischun. Dals 1300 Svizzers han survivì mo 300 la Battaglia a la B. Avant la battaglia duain els avair chantà la chanzun daventada famusa «Unser Leben gleicht der Reise eines Wandrers in der Nacht» (text: Ludwig Giseke, musica: Friedrich Wilke).


Litteratura:
T. Legler, Denkwürdigkeiten aus dem russischen Feldzuge vom Jahr 1812, 1867; M. Wetterwald, Der Text des Beresinaliedes und seine Übersetzungen, en: SAVk, 51/ 1955, 213-42 (cuntegna era las versiuns lad. da Gian Battista Sandri [Tschander] e da Peider Lansel).

Martin Bundi

lemma precedents Berchtold IBerg lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :