Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Largiadèr, OttoLatour, Alois de lemma sequent

Latour, Adalbert Ludwig de
* 27-12-1657 a Breil, † 9-11-1742 a Breil, cat., da Breil. Figl da Ludwig. ∞ ca. 1707 Anna n. Bust, da Breil. Scrivant dal cumin da la Cadi 1691, accusader a la dretgira nauscha da Tusaun 1694. Mastral da la Cadi 1698-1701, landrehter da la LG 1699-1700, 1702-03, 1705-06 e 1711-12. Cun relaschar il pli spert pussaivel las truppas cat. suttamessas a ses cumond ha L. impedì il 1701 l'extensiun da l'Affar da Sagogn ad ina guerra civila confessiunala. Dal 1700 al 1706 ha el dirigì cun Johann Gaudenz de Capol la nova partida franz. da la LG ch'è stada onns a la lunga involvida en in cumbat per part violent cun la partida imperiala enturn Johann Ludwig de Castelberg e Johann Anton Buol von Rietberg. Suenter l'exclusiun dals comm. da la partida franz. a la Dieta da Trun (1714), è L. stà landfoct dal Signuradi dal 1715-17. Dal 1728-38 ha el manà la Cadi en la dispita davart las dieschmas cun l'abazia da Mustér .


Litteratura:
A. Collenberg, Die Familie L. von Brigels, lic. Friburg, 1973, 40-61.

Adolf Collenberg

lemma precedents Largiadèr, OttoLatour, Alois de lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :