Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Punt RenascaPunt Traversa lemma sequent

Punt Russein
Punt che collia las vischnanca da Sumvitg e Mustér sco era la Sur- e Sutsassiala e che furma in cunfin dialectal marcant. La Val Russein vegniva pli baud guntgida sur Cumpadials via la riva sanestra dal Rain a Madernal e Disla. Il 1669 ha l'avat Adalbert II da Mustér laschŕ construir in'emprima punt da crap ad artg sur la chavorgia. Oz mainan trais punts sur la Val Russein: la Punt da Barcuns (anc averta per persunas), ina punt da lain cun tetg construida il 1857, la P., ina punt da crap dal 1938 cun artgadas dad 82 m lunghezza (per automobils) e la punt da betun da la VR cun ses quatter artgs, erigida il 1912 parallel a la P. Ina tavla commemorativa a la P. regorda als perscrutaders da la natira surs. Arnold Escher von der Linth, Placi a Spescha e Gottfried Ludwig Theobald.


Litteratura:
Cal. Rom., 1908, 70-79; 1912, 87-90 (cun ill.); P. Caminada, Entginas notizias davart la construcziun dallas punts en betun a Danis-Tavanasa e la Val Russein, en: Cal. Rom., 1983, 344-47.

Adolf Collenberg

lemma precedents Punt RenascaPunt Traversa lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :