Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Rimathé, AntonRinck (von Baldenstein) lemma sequent

Rimathé, Domenic
Oriund da Tschlin, figura legendara dal temp da la Guerra svabaisa (1499). R. era para da statura nanina, ma dotà da forzas immensas. Durant la persecuziun d'ina squadra tirolaisa en l'Engiadina Bassa è el sa drizzà al bandierel dad Alla, zuppà en in cuvel, cun ils pleds: "Chum auss der foura u ch'eug t'amatz aint in la foura!" (tenor D. Chiampell, Historia 1, 692). Il bandierel imprudent è sa precipità sin R. ed è vegnì perfurà da la lantscha da quel. Ad Alla ha R. fatg star la glieud cun bucc'averta, tirond cun facilitad apparenta ina schlieusa chargiada cun sal d'ina spunda si.


Litteratura:
Rauch, Homens prominents, 1935, 97 s. .

Martin Bundi

lemma precedents Rimathé, AntonRinck (von Baldenstein) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :