Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Purificaziuns politicasPurtscher, Gottfried lemma sequent

Purtagn
Anteriura vischnanca polit., cirq. Tusaun, distr. Rain Posteriur. Fusiunada il 2010 cun Sarn e Tartar a la vischnanca polit. da Cazas 2010. Vitg a mantun dal caracter d'in aclaun, situà a 1178 m sin il fil tr. la chavorgia da P. e la Val da la Malanotg. 1378 Purteyn, tud. Portein (uffiz.). 1808 48 abit.; 1850 65; 1900 30; 1950 37; 2000 26. P. era il center d'ina communitad da purs libers che possedeva in'atgna giurisdicziun bassa e ch'è vegnida integrada pli tard en il cumin da la Mantogna. Ils signurs feudals èn stads ils de Vaz fin il 1337, alura successivamain ils de Werdenberg, ils de Razén ed, a partir dal 1475, l'uvestg da Cuira. P. ha cumprà ora ils davos dretgs feudals il 1709. P. fascheva part oriundamain da la plaiv da Munt S. Gion (Reziòlta). Dal 1505 datescha la baselgia parochiala da S. Gagl, erigida per l'entira Mantogna (cun excepziun da Masagn). Refurmaziun 1530-40. Il 1720 è crudada la baselgia da S. Gagl en la chavorgia da P. ed è vegnida remplazzada tras in edifizi nov, erigì en il center dal vitg. L'onn 2000 era P. la vischnanca grischuna cun ils pli paucs abitants. Il vitg muntagnard senza scola, butia, posta ed ustaria stueva exequir numerusas incumbensas en il rom da corporaziuns da vischnancas ed ha perquai consentì a la fusiun cun Cazas.


Litteratura:
Kdm GR 3, 206-08; Gem. GR, nr 112, 1985; LQ, 14-2-2002; 6-7-2005.

Jürg Simonett

lemma precedents Purificaziuns politicasPurtscher, Gottfried lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: