e-LIR / Lexicon
Assistenza e-LIR
Contact
Publicaziuns
Links
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
 Chischner Construcziun en lain da 2-4 pals ed 8-22 lattas che serviva a la madiranza dal graun. Chischners libers èn enconuschents mo en Surselva; tozzels da quels eran da vesair anc en ils onns 1920-40 a Mustér, Tujetsch, Sursaissa, Tenna ed utrò. En auters lieus eran els fixads vi dal clavà. En il decurs dal 19. tsch. èn vegnids remplazzads ils chischners per part da l'uschen. talina. Il chischner vegniva laschà en ierta, ens. cun il prà ed il clavà. En temps istorics era el derasà en l'entir intschess grischun al nord da las Alps, inclus en l'Engiadina ed en il Vnuost. Nums locals derivants dal chischner: Air Gaschnair (14. tsch., Lantsch Sut), Plangschnairs (1418, Peist), Colonia Caschenayra (15. tsch., Luven), Gassnauts (1477, Maladers), Gaschnay, Chaschiners, Cuschnaus, Catschnaus, Pleun da Chischnes.
Litteratura: DRG 3, 575-93.
Adolf Collenberg

© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|

Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :
|
|