Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents GenevraGengel, Florian lemma sequent

Gengel
Famiglia da Curvalda menz. per l'emprima giada il 1623, attestada era sco Gangler (1647) e Gängler (1681). Dapi la fin dal 17. tsch. èn enconuschents era ils roms da Parpan e da Tschiertscha. Cun Georg, landamma da Curvalda, è la fam. cumparida il 1763 per l'emprima giada sin il palc politic. Da quest rom derivan il chau-lia Georg ed il landamma Cyprian il vegl (1767-1841). Cyprian il giuven (1797-1860), colonel, advocat e politicher a Cuira, è il bab da Florian e dal giurist Wolfgang Achill (1842-1906) ch'è stà redactur da la «Thurgauer Zeitung» (ca. 1868-99). Cun la mort dal figl da Florian, Achill (1871-1937), chancelier dal chantun Grischun dal 1913-29, ha la fam. pers sia impurtanza politica.


Litteratura:
Gruner, Bundesversammlung 1, 615 s.; Metz, Graubünden 2; F. Caviezel, 200 Jahre Bündner Kanzleidirektoren, en: BJb, 2003, 130.

Adolf Collenberg

lemma precedents GenevraGengel, Florian lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :