Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Iserin [Rheticus], Georg JoachimIsola lemma sequent

Isler, Johann Luzius
* 4-8-1810 a Tavau, † 20-9-1877 a S. Petersburg, ref., da Tavau. Figl da Johannes, pastizier, e da Miertha n. Ambühl. ∞ 1832 Johanna Dorothea n. Riz à Porta, da Guarda. Durant ils onns da fomina dal 1816-17 è I. emigrà cun ses geniturs a S. Petersburg, nua che ses bab è mort gia il 1818. Suenter in emprendissadi da pastizier tar Hans Ulrich Auer, ses padraster, a S. Petersburg, ha el lavurà sco giarsun tar div. pastiziers e cafetiers grischuns. Il 1836 ha el acquistà da Christian Ambühl da Tavau ina fatschenta ch'el ha transfurmà en in café-restaurant. Sia carriera fulminanta d'interprendider sin il champ dal divertiment ha inizià il 1843 cun l'avertura dal Parc Tivoli a Poljustrovo en vischinanza da S. Petersburg e cuntinuà il 1848 cun l'avertura dal stabiliment d'aua minerala Isler, in cumplex en in parc al nordvest da la citad, en il qual sa divertivan e sa nutrivan fin 10'000 visitaders. El possedeva era in stabiliment da bogns en il center da la citad. Incendis ed il svilup negativ da la conjunctura han dentant provocà il declin da ses imperi.  


Ovras:
Polnyj konditer (tud.: Der vollendete Konditor), 1853.

Litteratura:
Bühler, Bündner im Russischen Reich, 265-71; R. Bühler, Von der Konditorei zum Vergnügungspark, en: BM, 1994, 274-82.

Roman Bühler

lemma precedents Iserin [Rheticus], Georg JoachimIsola lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :