Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Jenny, RudolfJeuch [Joch, Jöch, Jöh] lemma sequent

Jens, Ina
* 22-10-1880 (Claudia Cadisch) a Tusaun, † 17-1-1945 a Valparaíso (Chile), ref., da Preaz e Bravuogn. Figlia da Jacob Cadisch e da Margareth n. Veraguth. ∞ Carl G. Werkmeister. Suenter la scola a Tusaun ed il Seminari scolastic a Cuira, è J. stada magistra a Wattwil/SG ed alura en scolas tud. en Bulgaria ed en Armenia, nua ch'ella ha emprendì ad enconuscher ses um. Il pèr da scolasts ha instruì dal 1907-14 a Concepción (Chile) ed a partir dal 1916 a la scola tud. Viña del Mar a Valparaíso che J. ha dirigì (en successiun da ses um) dal 1923 fin a sia mort. En ils onns 1920 ha ella cumenzà a scriver cudeschs per giuvenils. En «Maja» (1926) e «Rosmarin» (1928) ha ella elavurà, s'inspirond da Johanna Spyri, sia uffanza en las muntognas grischunas. En «Mirasol» (1935), «Hannelore im Urwaldwinkel» (1936), «Manuelitos Glücksfall» (1939) ed «Unter chilenischem Himmel» (1941) ha ella descrit sias experientschas en l'America latina.
 


Litteratura:
M. Ruh, Ina J., en: Maja. Rosmarin, 1980, 262-64 (nova ediz.).

Charles Linsmayer

lemma precedents Jenny, RudolfJeuch [Joch, Jöch, Jöh] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: