Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Olgiati, RodolfoOllanda lemma sequent

Olgiati, Rudolf
* 7-9-1910 a Cuira, † 25-9-1995 a Flem, da Poschiavo e Cuira. Figl dad Oreste. ∞ 1) 1946 Anne n. Lewis, 2) 1958 Irene n. Canova. Suenter la matura a Cuira, studi d'architectura a Turitg, dipl.arch. SPF 1934. Segiurns pli lungs a Roma 1935-1937. Agen biro a Turitg 1938-39. Domiciliŕ a Flem dapi il 1944. O. rimnava elements da construcziun, mobiglias ed objects da diever da veglias chasas grischunas ch'el integrava, tenor pussaivladad, en sia architectura. Ina part dals objects čn exponids dapi il 1996 en il Museum O. a Flem. O. ha realisŕ surtut chasas da vacanzas, per gronda part en la regiun da Flem. El s'interessava en spezial per la renovaziun da chasas signurilas e da chasas da purs ed aspirava ad ina architectura corporala, cubica sco quai ch'el la veseva realisada idealmain en l'Antica greca, tar Le Corbusier ed en la cultura da construcziun tradiziunala dal Grischun. Caracteristics per sias construcziuns čn ils plans individuals, las fatschadas alvas chaltschinadas cun ina liadira glischa, las penslas graschlas, lucarnas en tetgs e fatschadas sco era artgs accentuants e colonnas. Premi grischun da cultura 1981.


Ovras:
Eine Streitschrift, 1994.

Litteratura:
Die Architektur von Rudolf O., catalog d'expos.Turitg, 1977 (reprint 2010); ALS, 405 s.; U. Riederer, Rudolf O., 2004.

Leza Dosch

lemma precedents Olgiati, RodolfoOllanda lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :