Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Ober-TagsteinOlgiati, Gaudenzio lemma sequent

Olgiati
Schlatta puschlavina che derivava oriundamain da Com. Domiciliads en il Puschlav dapi il temp medieval tardiv, han ils O. mess, sco exponents d'ina fam. dominanta sut la suveranitad dals Viscontis da Milaun, il derschader da la vallada (podestat) dal 1350 al 1408. Ina cesura fatala è stada l'attribuziun dal Puschlav al domini (secular) da l'uvestg da Cuira il 1408, cunquai ch'ils O., aderents da Milaun, han pers qua tras lur posiziun dominanta en la vallada. Per quella raschun n'èsi era betg reussì a la fam. da s'integrar durant il 15. e 16. tsch. en la classa dirigenta da la Chadè a Cuira e pli tard n'era betg en l'elita da la nova Republica da las Trais Lias. Dal 16. al 18. tsch. cumparan ils O. mo fitg darar sco derschaders dal Puschlav e tant sco mai en ils uffizis da las Terras subditas da las Trais Lias en Vuclina ed en ils contadis da Clavenna e Buorm. En il 19. tsch. è turnada la fam. O. cun Gaudenzio ed Oreste sin la tribuna politica. Il figl ed il biadi dad Oreste, Rudolf e Valerio, èn sa profilads sco architects.


Litteratura:
R. Tognina, Origine e sviluppo del Comun grande di Poschiavo e Brusio, 1975; Färber, Herrenstand, 69 s.

Peter Conradin von Planta

lemma precedents Ober-TagsteinOlgiati, Gaudenzio lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :