Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents S-charlSablonier, Roger lemma sequent

Saas
Vischnanca polit., cirq. Cuvlignas, distr. Partenz/Tavau (fin il 2001 Landquart Sura), construida lung la via sin ina terrassa. Ca. 1290 Säusch, furma rum. antiquada Sausch. 1838 684 abit.; 1850 469; 1888 657; 1900 431; 1950 544; 2000 733. Enturn il 1290 è attestada la baselgia da S. Luregn, reconstruida a l'entsch. dal 16. tsch., destruida parzialmain il 1735. Il dretg da collatura han exercità l'emprim prob. ils baruns de Vaz, a partir dal 1338 ils conts von Toggenburg. Incorporà a la claustra da S. Giachen/Claustra il 1482. Il 1436 è s'unì S. a la LDD sco vischinadi dal cumin da Claustra Ausserschnitz. Durant il 14. e 15. tsch. è la vischnanca vegnida germanisada tras Gualsers immigrads da Claustra e da S. Antönia. La refurmaziun ha gì lieu enturn il 1526. Fin ca. l'onn 1950 han pratitgà ils da S. o.t. l'allevament da muvel. La vischnanca dispona da vastas pastgiras sin las alps da S. e d'Albeina sco era sin l'Oberberg. A l'ost da S. regorda dapi il 1915 il monument d'Aquasana als cumbats da retratga dals Grischuns durant la Sullevaziun dal Partenz l'onn 1622. Catastrofa da lavina 1689 ed ina gronda bova sin la spunda Rufineta 1931. Rempars cunter lavinas, torrents e bovas èn vegnids construids dapi il 1970. La viafier ha cuntanschì S. il 1888. Suenter la Segunda Guerra mundiala è sa sviluppà S. sut influenza da Claustra ad in lieu da vacanzas. Grond'activitad en il sectur da construcziun dapi il 1989. D'impurtanza economica è l'alp da S. sco regiun dad ir cun skis e viandar (Madrisa). S. pativa fermamain dal traffic da transit tras il Partenz; il sviament è vegnì avert il 2011. Il 2005 lavuravan 33% da las persunas cun activitad da gudogn a S. en il sectur primar, 42% en il sectur terziar.


Litteratura:
M. Thöny, Prättigauer Geschichte, 1948 (1991²); Gem. GR, nr 130, 1983; C. Hansemann, Saaser Heimatbuch, 1995; A. Collenberg, Drei Berggemeinden, drei Entwicklungen: Trun, Andeer und S. i.P. (1850-1950), 2002.

Otto Clavuot

lemma precedents S-charlSablonier, Roger lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :