Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents ZernezZezras [Zir] lemma sequent

Zervreila
Anteriura culegna situada a 1800 m en la vischnanca polit. da Val. 1301 alpis de Seurera. Enconuschenta era sut il num Zerfreila u Zafreila. A partir dal 14. tsch. è il territori d'abitar da la Val S. Pieder, populà oriundamain da Rumantschs, s'extendì en las vals lateralas. La derivanza dals colonists permanents, menz. il 1325 a Suverella, n'è betg sclerida. Pussaivla è in'immigraziun da Gualsers da lingua tud. dal Valragn e da colonists da lingua tal. u tud. dal Tessin. La Länta e la Lampertschalp (tal. Alpe Soreda) davos Z. han appartegnì dal 15.-20. tsch. a vischnancas da la Val dal Blegn (Castro, Marolta e Ponte Valentino) e vegnivan chargiadas fin vers la fin dal 19. tsch. sur il Pass dal Soreda (2759 m). La chaplutta da S. Baltramieu a Z. è vegnida erigida avant il 1640. Entaifer il cumin da Val furmava Z. cun Leis ina da las quatter vischinanzas. En il 18. tsch. duai la colonisaziun permanenta da Z., che sa concentrava exclusivamain sin l'allevament da muvel, avair chalà. En ils onns 1932-41 è vegnida construida l'emprima via charrabla a Z., en ils onns 1951-58 èn suandadas las OE Zervreila cun in mir da serra da 150 m autezza ed in batschigl d'accumulaziun da 100 miu. m³ ch'ha inundà ils dus aclauns Under Boda ed Ober Boda.


Litteratura:
Bundi, Besiedlung, 316 s., 325; H. Gredig, W. Willi, Unter Strom. Wasserkraftwerke und Elektrifizierung in Graubünden 1879-2000 (cun in DVD "Das Ende der dunklen Nächte"), 2006; R. Pollini-Widmer, Alpe Soreda, 2010.

Jürg Simonett

lemma precedents ZernezZezras [Zir] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :