Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Beccaria, PaoloBeeli, Conradin (von Belfort) lemma sequent

Beeli
Famiglia nobla da Tavau, nua ch'ella è sa domiciliada prob. durant la colonisaziun gualsra en il 13. tschientaner. Ulrich, landamma da Tavau cun in agen sigil, è stà in dals fundaturs da la LDD (1436). Avend la dieta da la LDD lieu a Tavau, era il landamma da Tavau a medem temp era chau-lia. Fin la mesadad dal 16. tsch. han ils B. predominà en quests uffizis. Lur grond possess funsil furmava la basa materiala. La fam. aveva augmentà ses prestige e sia influenza cun s'unir tras maridaglia cun fam. pussantas da las Trais Lias e cun construir las emprimas chasas da crap da la regiun. Il 1441 è il chastè da Belfort vegnì impegnà ad Ulrich ch'ha residià sin quel sco chastellan durant 40 onns. Da questa epoca datescha il predicat "von" Belfort, utilisà era suenter la destrucziun dal chastè (1499). Il chastellan da quel temp, Nikolaus, para d'avair transferì sia sedia ad Alvagni. Grazia a lur uffizis politics han ils B. savens era exercità funcziuns da mess e da derschaders. Intgins èn sa profilads sco cumandants militars, p.ex. Nikolaus durant la campagna militara da Buorm (1486) e Conradin durant la conquista da la Vuclina (1512). Lur frar Wilhelm, medi sco blers da ses descendents, ha fundà la lingia da Cuira, da la quala deriva Gabriel ch'è stà blers onns chau da la LCD (17. tsch.). En la mesadad dal 16. tsch. èn naschidas cun Batt (Pankraz) la lingia da Fadrein e cun Hans quella da Flem (Johann), uschia che la fam. era preschenta en tut las Trais Lias. Georg († 1566) e Georg († 1607) han occupà tr.a. uffizis en Vuclina. L'installaziun d'in landfoct austr. a Castels en il Partenz, responsabel per las Otg Dretgiras, ha diminuì l'influenza dals B. en la LDD. Il 1523 ha Ulrich dumandà senza success quest'uffizi a la Regenza austr. a Puntina. Pir il 1595, cura che la fam. B. aveva gia surpassà il zenit da sia pussanza, ha Georg obtegnì quest mandat. A Tavau era la pussanza passada a las fam. Buol, Guler e Sprecher. Menziun spez. en il 17. e 18. tsch. meritan insaquants uffiziers da la fam. B., tr.a. Conradin († 1712) e Conradin († 1770). Hans Peter è stà cuss. guv. dal 1865-66. A Tavau è Marie (1851-1950) stada socialmain fitg activa. Members da la fam. vivan oz tr.a. a Flem, Tusaun e Cuira.



Archiv:
ASGR, actas e cronica da la fam. B.

Litteratura:
Schweizerisches Geschlechterbuch 2, 1907, 33-46; Gillardon, Zehngerichtenbund; A. von Sprecher, Davoser Chronik von Florian und Fortunat von Sprecher, en: BM, 1953, 314 s.; Grimm, Aristokratie; Färber, Herrenstand; H. Simmen, Ein Zweig der B. von Belfort in Fideris, en: BM, 1994, 247-58; Collenberg, Amtsleute.

Paul Eugen Grimm

lemma precedents Beccaria, PaoloBeeli, Conradin (von Belfort) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: