Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Castelberg, Sebastian deCastelli a San Nazaro, Gallus lemma sequent

Castelberger, Andreas
Attestà tr. il 1516 ed il 1531, dal Grischun. Anabaptist. In impediment corporal al ha purtà ils surnums dad Andres auf den Stülzen ed Andres il Zop. C. è stà librari a Turitg, nua ch'el ha vivì cun la famiglia. Il 1516 è el  menz. per l'emprima giada en la correspundenza da Zwingli. Intimà d'aderents radicals dal refurmatur, ha C. dirigì  ina scola biblica laica prosperanta per il studi da la Brev als Romans, fin ch'il cussegl da Turitg è intervegnì. Cunsignatari da las duas brevs a Thomas Müntzer, redigidas il sett. 1524 dals Turitgais dal circul dals anabaptists ed autur d'ina brev (sparida) ad Andreas Karlstadt. Il schan. 1525, cura ch'ils anabaptists esters èn vegnids bandischads da Turitg, ha C. obtegnì per sai e per sia fam. ina prorogaziun causa sia invaliditad. Per il dischplaschair da Johannes Comander, refurmatur a Cuira, ha C. propagà da l'exil las ideas anabaptisticas en il Grischun. Il 1531 ha el acquistà il dretg da burgais da Cuira.
 


Funtaunas:
Quellen zur Geschichte der Täufer in der Schweiz 1, edì da L. von Muralt, W. Schmid, 1952 (1974²); 2, edì da H. Fast, 1973.

Litteratura:
Mennonitisches Lexikon 1, edì da C. Hege, C. Neff, 1913, 71; H. Berger, Bündner Kirchengeschichte, 2. part, 1986, 63 s.

Ulrich J. Gerber

lemma precedents Castelberg, Sebastian deCastelli a San Nazaro, Gallus lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :