Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents ValzeinaVanescha lemma sequent

Vandans
Vischnanca a 650 m en il Montafun, cuntanschibla dad Aschera sur il Schweizertor (2151 m) en la chadaina dal Rätikon. Oriundamain in territori d'alp dals libers Rumantschs da la Val Druschauna ch'han colonisà a partir dal temp medieval tempriv sin atgna iniziativa il Montafun. En il 13. tsch. è sa domiciliada qua era glieud da lingua tudestga. La populaziun n'abitava betg sulettamain en ils vitgs, mabain era en numerus bains ch'èn oz p.g.p. svanids. Toponims sco Rodund, Gresta, Ganeu, Gapiescha (anteriura migiuria da nursas) e.a. dattan perditga da la preschientscha da purs rum. a V. La germanisaziun è stada pli u main terminada en il 16. tschientaner. L'anteriur traffic local sur ils pass dal Rätikon en il Partenz è sa limità la finala ad excursiuns alpinisticas ed a scuntradas en la regiun dal Lai da Lün (1897 m) e dal Scesaplana (2964 m).


Litteratura:
H. Barbisch, V.: eine Heimatkunde aus dem Tal Montafon, 1922.

Martin Bundi

lemma precedents ValzeinaVanescha lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :